Ketu Kavacham

Ketu KavachamIn Hindi

अथ केतुकवचम्

अस्य श्रीकेतुकवचस्तोत्रमंत्रस्य त्र्यंबक ऋषिः I

अनुष्टप् छन्दः I केतुर्देवता I कं बीजं I नमः शक्तिः I

केतुरिति कीलकम् I केतुप्रीत्यर्थं जपे विनियोगः II

केतु करालवदनं चित्रवर्णं किरीटिनम् I

प्रणमामि सदा केतुं ध्वजाकारं ग्रहेश्वरम् II १ II

चित्रवर्णः शिरः पातु भालं धूम्रसमद्युतिः I

पातु नेत्रे पिंगलाक्षः श्रुती मे रक्तलोचनः II २ II

घ्राणं पातु सुवर्णाभश्चिबुकं सिंहिकासुतः I

पातु कंठं च मे केतुः स्कंधौ पातु ग्रहाधिपः II ३ II

हस्तौ पातु श्रेष्ठः कुक्षिं पातु महाग्रहः I

सिंहासनः कटिं पातु मध्यं पातु महासुरः II ४ II

ऊरुं पातु महाशीर्षो जानुनी मेSतिकोपनः I

पातु पादौ च मे क्रूरः सर्वाङ्गं नरपिंगलः II ५ II

य इदं कवचं दिव्यं सर्वरोगविनाशनम् I

सर्वशत्रुविनाशं च धारणाद्विजयि भवेत् II ६ II

II इति श्रीब्रह्माण्डपुराणे केतुकवचं संपूर्णं II

Leave a Reply